VEKAS BILETE

ÅRETS BILDE: Min første pris!

OSLO: Medan eg var i Egypt på ferie, gjekk LLAs årvisse kåring av stabelen her heime. Der vann eg “årets bilde”-biten! Utruleg moro.

Frå LLAs sider:

Dette seier juryen om vinnarbiletet:
“Årets lokalavisfoto er eit spontant bilete som uttrykkjer varme, glede og nestekjærleik. Biletet er tatt i rette augneblink og det er også teknisk godt. Rett og slett eit vakkert bilete! Marius Knudsen og Mediehuset Sunnhordland fortener Landslaget for lokalaviser sin pris for Årets lokalavisfoto 2011.

Legg spesielt merke til namnet mitt som har fått ein ny og internasjonal vri.

Biletet er henta frå reportasjen min frå Sæbø Gard – Med kjensler og kjeledress - sjå alle bileta her ved å trykka på lenka. Laga og ein video – den ligg HER. Her kan du lesa kva Sunnhordland, som saman med VG Helg trykte serien, meiner om prisen.


VEKAS BILETE: Veke 5

ELCHE (VG): Nok eit sportsbilete. Jørn Jamtfall (keepertrener i RBK, tidlegare keeper og lands. keeper) sin son, Michael lobbar lekkert over ein sjanselaus Spartak Moskwa-keeper. Kanskje det beste sportsbilete eg har teke nokon gong. Synd det var så forskjellig lys på for/ og bakgrunn. No er uansett La Manga/Spania oppholdet over for denne gong, gleder meg til å reisa ned igjen 20. -27. feb.


VEKAS BILETE: Veke 4

LA MANGA/SPANIA (VG): Er fortida på La Manga for VG og tek endeleg fotballbilete igjen, med ymse hell. Utruleg artig. I dag, måndag, fekk eg eit fint oppslag i VG frå gårsdagens kamp mellom VIF-Wisla Krakow. Kanskje det oppslaget eg er mest nøgd med til no i min karriere som sportsfotograf.


VEKAS BILETE: Veke 3

GRAND/OSLO (VG): Fekk vere med å intervjua Little Steven, eller Steven Van Zandt på Grand i går. Herlig mann, kjent frå bandet til Bruce Springsteen og frå TV-serien Sopranos. Skal vere med i ein norsk “dramadee”.


VEKAS BILETE: Veke 2

TØNSBERG (VG): Var saman med journalist Ingrid Hvidsten i Tønsberg for å laga ein sak på “Julemysteriet i Søndre Slagen”. 40.000 kr vart nemleg stole etter gudstenesta i Søndre Slagen kirke, julaftan. Ein av medarbeidarane i kyrkja er no sikta for tjuveriet, men ingen har tilstått. Biletet er av fungerande biskop i Tønsberg, David Gjerp.


VEKAS BILETE: Veke 49

RÅDHUSPLASSEN/OSLO: Denne vekas bilete er eit paparazzi-bilete. Då gjestene som hadde vore inne på utdelinga av årets Nobels fredspris inne i Oslo Rådhus var komt seg vel heim og pressefolk og demonstrantar som stod utanfor var byrja å komma seg vekk, kom denne karen, Oslo sin kjente og kjære ordførar – Fabian Stang. Han snakka først med ein politimann, før han sneik seg over tausperringa og gjekk bortover i den mørke gangen og tente seg ein sigarett. Stang ante fred og ingen fare, men då han såg meg, var han snar med å få røyken ut av munnviken. Likar “skitt-eg-er-ferska-blikket” på biletet nederst til høgre.


VEKAS BILETE: Veke 48

NORDSTRANDHALLEN/SUNNHORDLAND: Førre vekas bilete blei tatt på oppdrag for Bladet Sunnhordland. Dekka Postenligakampen mellom BSK/NIF-Stord for dei. Bilete er av Stord si målvakt, Tor Christian Sæbø (20). Sæbø kom inn for førstevalet Mikael Søgaard og stod ein fantastisk andre omgang. Diverre glapp denne ballen mellom beina på keeperen og i mål, så det passa dårleg til saken eg skreiv for “Vikalappen”. Heldigvis passar det betre her.


VEKAS BILETE: Veke 47

OSLO/VG: Førre vekas bilete var ikkje særleg bra. Verken teknisk eller på andre måtar. Men eg var den einaste som hadde biletet. Difor blei nyhendeverdien stor og eg fekk stor spalteplass. Blei tatt til parteringsdrapet som har gått i media den siste tida. VG er den einaste som har bilete frå natta då Kripos undersøkte leiligheten i Schandorrfgate 4 på St. Haugen i Oslo.


VEKAS BILETE: Veke 46

TOPPIDRETTSSENTERET/VG: Denne vekas bilete er henta frå ein reportasje om snowboard-stjernene Torstein Horgmo og Andreas Ygre Wiig. Dei trenar som berre det for å prøve noko nytt fram mot ein ny sesong. Ein av Noregs største idrettstjerner, spydesset Andreas Thorkildsen, syns tydelegvis at det er moro å sjå tøffingane sveitta.


VEKAS BILETE: Veke 45

DRAMMEN/VG: Denne veka sitt store bilete er det diverre ikkje eg som har, men fotografen i midten av mitt bilete. Mitt bilete blei brukt på front på VGSporten, synd dei kroppa vekk fotografen i avisa. Han gjer biletet, ialfall etter mitt syn. Situasjonen er henta frå Bragenes Torg i Drammen. Strømsgodset-spelarane har nettopp komt heim med “bøtta” og blei hylla av tusenvis av fans. Då supportarane lurte på om Godset-trenar Ronny Deila kunne strippa var han ikkje vond å be. Matchvinnar Glenn Andersen står bak å filmar det heile. – Slikt gjer Deila heile tida. Ikkje noko nytt med det, fortalte han til VG. I følgje spelarane strippa Deila i garderoben også før cupfinalen – då iført samboer (og Sigurd Rushfeldts søster) Bjørgunns Dolce&Gabbana-tanga.


VEKAS BILETE: Veke 44

ULLEVÅL/VG: Har oppretta ei ny heimeside i håp om at eg skal klara å oppdatera litt oftare. Difor blogg formatet. Har også gått vekk i frå det engelske, for kor mange internasjonale klikkarar har eg eigentleg…? Vekas bilete blei uansett teke i seks minusgrader på Ullevål. Tippeligaens siste runde. Sølvvinnar mot bronsjevinnar. VIF-Tromsø. Kampen endte 3-0 til heimelaget, og Mos skåra 2-0 målet.