SPORT

NY PRIS: Årets bilete!

Laila Mehus - til fredagspratengullFoto: MARIUS KNUTSEN

SKÅNEVIK: Med dette bilete vann eg min andre “Årets bilde”-pris. Denne gongen kom eg til topps i kåringa for det beste pressebiletet i 2014 i Haugaland Journalistlag. Les meir om prisen her. Førre gong vann eg i LLA sin konkurranse. Meir om det her.

 


LANDSKAMP: Nytt forsøk på UIlevaal!

ULLEVAAL (VG) (Norge-Kroatia 1-1) Innlegget kjem lovleg seint. Fekk uansett ta bilete for VG Sporten att då Norge møtte Kroatia i byrjinga av juni. Lite foto om dagen, framleis på VG+, uansett alltid moro å få sjansen på Ullevaal.


NEDTUR: Cupfinalen i bilder!

ULLEVAAL (VG): Fekk lov til å dekke cupfinalen for VG. Moro med eit avbrekk fra kontorjobbinga! Stor opplevelse – men nitrist at feil lag gjekk sigrande av banen.


VARIERT: Ny Scanpix-veke!

OSLO (SCANPIX): Gjort mykje forskjellig denne veka. Spesielt moro med to fotballkampar på ei helg! Blir nok rolig på biletbloggen framover, då eg har fått eit vikariat på 4 mnd i VG. Der skal eg redigere iPad-utgåvene, VG+ og VGHelg.


NY ARBEIDSGJEVAR: Artig med byråfotografering!

OSLO/FORNEBU (SCANPIX): Fekk prøva meg for ein ny arbeidsgjevar i går – Scanpix (Skandinavia sitt største biletbyrå). Har lenge tenkt at byråjobbing ikkje er noko for meg, men etter å ha prøvd det i går tenker eg heilt annleis. Det er utruleg utfordrande, og kjekt, å tenka bilete til mange forskjellige vinklar – istadenfor å samarbeida med ein journalist om ein sak slik eg er mest vant til. I går var eg med både på fotballkamp og på Øya-festivalen. Fekk stor respekt for byråfotografane etter at eg måtte prøva å senda bilete undervegs i kampen. Det er stress. Du sit deg ned på macen, medan spelet går vidare. Men det gjekk fint, håpar verkeleg eg får prøva meg igjen for å få inn ein enno betre arbeidsflyt. Ein annan ting som er moro med byråfotografering er at bileta dukkar opp over alt!


KONTRAST: Frå Køln til Vikahaugane

STORD (Sunnhordland): Dei siste vekene har eg jobba i Bladet Sunnhordland. Moro å gjere noko anna enn det ein plar gjere. I helga skal eg jobba for Scanpix for første gong. Stabæk – Strømsgodset, samt Øya-festivalen. Det blir ei utfordring!


TYSKLANDTURNÈ: Over 40,000 heidra Noreg!

TYSKLAND (VG): Fekk vere med VGSporten til Tyskland. Var innom mange byar og lagde mange saker. Størst inntrykk gjorde det då Ståle Solbakkens Köln møtte Arsenal til treningskamp dagen etter det smalt i Oslo. Ingen ønska og spele fotball, eller snakka om fotball den dagen. Drøyt når alle på tribunen, samt Arsenal-stjernene, stilte opp og heidra Noreg med eitt minutts stillhet.


VERDSMEISTER: Gratulerar, Dale Oen!

SJØFLYHAVNA/FORNEBU (VG): Mektig imponert av Dale Oen som tok VM-gull på 100m bryst i Shanghai for ei stund sidan. Tok desse bileta av han før avreise til symje-VM. Lite oppdateringar i det siste.


HOCKEY: Keepertalent drafta til NHL-klubbar!

SKIEN (VG): Dei norske hockeykeepertalenta Lars Volden og Steffen Søberg blei begge draftet av to NHL-klubber. Her på ein keepercamp i Skien.


SPORT: VIF slo S08!

ULLEVAAL STADION (VG): Var på fotballkamp førre helg. Fekk testa nytt kamera, Canon Eos 1d Mark IV. Blir utruleg bittert å gå tilbake til gammalt utstyr igjen etter å ha testa det nye.


SIRKUS: Gerrard i Kragerø!

KRAGERØ (VG): Blei med VG og Jamel Rake til Kragerø for å møta Liverpool-kaptein Steven Gerrard som var den store stjerna John Arne Riise hadde fått med seg på fotballskulen sin. Moro å møta John Arne igjen, har ikkje snakka med han sidan eg var i Roma i august i fjor. Det var ville tilstandar då Gerrard endeleg kom, sjølv om han var seks timar for sein. Me laga tre sider til sporten, samt tre videoar til VGTV/VG+. Sjå den eine HER.


PÅ ULLEVAAL: Landslagstrening før EM-Kvallikkampen!

Ullevaal Stadion/Oslo (VG): Fekk vere med VG på landslagstreninga til Noreg før dei reiser til Lisboa og den viktige bortekampen i EM-kvalliken mot Portugal. Moro!


I PARKEN: Ståle sin siste kamp!

PARKEN/KØBENHAVN (VG): Fekk vere med VG til Parken og Ståle Solbakken sin siste kamp med Løvene før han tek fatt på eit nytt steg i trenar karriera i tyske Köln. Litt av ei oppleving å vere på ein fullsett landslagsarena med ellevill stemning. Moro at Ståle kjente meg igjen frå La Manga. VG-kollega Jostein Magnussen har teke biletet av meg og Ståle. To nøgde menn!


RAFTING: Vått, vilt og vakkert!

HEIDAL/SJOA (VG): Var i Heidal på besøk hos Sjoa Rafting i helga. Utruleg morosamt. Det skal bli ei biletreise på ein søndag i VG ein gong. Følg med!


SYDEN: Treningsleir med Olympiatoppen

FUERTEVENTURA/SPANIA(VG): Fekk vere med VG Sporten og Camilla Vesteng til Kanariøyene for å følge nærast alle dei største vinteridrettstjernene våre. Dei er på treningsleir i regi av Olympiatoppen. Resulterte i mange kule møter, mellom anna med Northug, Bjørgen og Johaug (biletet). Fekk også spele biljard med Øystein Pettersen. Tapte. Følg med i VG framover!


VG-LUPEN: Hektisk og morosamt!


LA MANGA (VG): Har fått den store æra av å vera med Knut Espen Svegaarden og laga årets “VG-lupen”. Kvart av dei 16 laga blir vurdert dei siste dagane fram mot seriestar. Eg har teke bilete til 14 av 16 saker. Dei fleste blei teke då me var på La Manga tidlegare i vinter. Følg med i VG fram mot seriestarten!


WEB-TV: Følg med på Aftonbladet.se!

HOLMENKOLLEN (AFTONBLADET): I byrjinga av januar fekk eg vere med Kristoffer Bergström og Aftonbladet å laga nokre videoreportasjar som skal gå under Ski-VM i Holmenkollen. Laga totalt tre stykker.

EPISODE 1: http://www.aftonbladet.se/webbtv/sport/jennycalling/article8611095.ab

EPISODE 2: http://www.aftonbladet.se/webbtv/sport/langdvm/article8621670.ab?start=318 (frå 08.57)


VEKAS BILETE: Veke 5

ELCHE (VG): Nok eit sportsbilete. Jørn Jamtfall (keepertrener i RBK, tidlegare keeper og lands. keeper) sin son, Michael lobbar lekkert over ein sjanselaus Spartak Moskwa-keeper. Kanskje det beste sportsbilete eg har teke nokon gong. Synd det var så forskjellig lys på for/ og bakgrunn. No er uansett La Manga/Spania oppholdet over for denne gong, gleder meg til å reisa ned igjen 20. -27. feb.


VEKAS BILETE: Veke 4

LA MANGA/SPANIA (VG): Er fortida på La Manga for VG og tek endeleg fotballbilete igjen, med ymse hell. Utruleg artig. I dag, måndag, fekk eg eit fint oppslag i VG frå gårsdagens kamp mellom VIF-Wisla Krakow. Kanskje det oppslaget eg er mest nøgd med til no i min karriere som sportsfotograf.


LISTEFEBER: Tre upubliserte sportsgodbitar

OSLO: Neste liste ut er tre sportsbilete som aldri har nådd trykkeriet. Det første biletet er av landslagsveteran Solveig Guldbrandsen. Her skårar ho 2-0 målet i 2-0 sigeren heime mot Ukraina på Nadderud i VM-kvalikken. Guldbrandsen la seinare opp, noko som gjer dette til den siste landskampen – og den siste landskampsskåringa hennar. Det andre biletet er av landslagsstrenar i langrenn, Morten Aa Djupvik og sportssjef Åge Skinnstad sin duell under eit pressetreff på Bryggetorget i Oslo. Skinnstad vann, medan Djupvik måtte smaka på asfalten. Det siste bilete er av ein tydeleg nøgd Jostein Flo som står klar med “bøtta” før han skal opp på scenen på Bragernes torg i Drammen for å motta hyllesten frå folket etter cupfinaletriumfen.


VEKAS BILETE: Veke 48

NORDSTRANDHALLEN/SUNNHORDLAND: Førre vekas bilete blei tatt på oppdrag for Bladet Sunnhordland. Dekka Postenligakampen mellom BSK/NIF-Stord for dei. Bilete er av Stord si målvakt, Tor Christian Sæbø (20). Sæbø kom inn for førstevalet Mikael Søgaard og stod ein fantastisk andre omgang. Diverre glapp denne ballen mellom beina på keeperen og i mål, så det passa dårleg til saken eg skreiv for “Vikalappen”. Heldigvis passar det betre her.


Godset-triumfen i bilete

ULLEVAAL/DRAMMEN/VG: Var på jobb for VG under cupfinalen. Mi oppgåve var å følge Follo i angrep, så eg fekk ikkje så alt for mykje å gjera. Heldigvis når 400mm over heile banen. Her er mine bilder frå den store dagen.

Glenn Andersen si skåring sikra Godset 2-0 over Follo i cupfinalen og gjorde sitt til at noregsmeisterane blei tekne i mot som heltar i Drammen seinare på kvelden. Likar blikket til tidlegare Godset-spelar, no målvakt i Follo, Glenn Arne Hansen, når han ser kva som er i ferd med å skje.


VEKAS BILETE: Veke 45

DRAMMEN/VG: Denne veka sitt store bilete er det diverre ikkje eg som har, men fotografen i midten av mitt bilete. Mitt bilete blei brukt på front på VGSporten, synd dei kroppa vekk fotografen i avisa. Han gjer biletet, ialfall etter mitt syn. Situasjonen er henta frå Bragenes Torg i Drammen. Strømsgodset-spelarane har nettopp komt heim med “bøtta” og blei hylla av tusenvis av fans. Då supportarane lurte på om Godset-trenar Ronny Deila kunne strippa var han ikkje vond å be. Matchvinnar Glenn Andersen står bak å filmar det heile. – Slikt gjer Deila heile tida. Ikkje noko nytt med det, fortalte han til VG. I følgje spelarane strippa Deila i garderoben også før cupfinalen – då iført samboer (og Sigurd Rushfeldts søster) Bjørgunns Dolce&Gabbana-tanga.


VEKAS BILETE: Veke 44

ULLEVÅL/VG: Har oppretta ei ny heimeside i håp om at eg skal klara å oppdatera litt oftare. Difor blogg formatet. Har også gått vekk i frå det engelske, for kor mange internasjonale klikkarar har eg eigentleg…? Vekas bilete blei uansett teke i seks minusgrader på Ullevål. Tippeligaens siste runde. Sølvvinnar mot bronsjevinnar. VIF-Tromsø. Kampen endte 3-0 til heimelaget, og Mos skåra 2-0 målet.